Despois dun riquísio xantar especial de Nadal e da visita do esperado Papá Noel, os rapaces e rapazas do CPI Virxe da Cela fixeron a dixestión ao ritmo dos tambores. Nin mais nin menos que un obradoiro de percusión, ofertado polo Concello de Monfero, que tivo lugar no pabellón polideportivo a tarde do xoves 19 de decembro de 2013. O mellor de todo é que unha vez máis o alumnado do noso cole exhibe as súas dotes artísticas e musicais. Foron varios os nenos/as que trataron de repetir os ritmos que os músicos ían ensinando, e de paso experimentar nas sonoridades de tan diversos instrumentos.
